Дополнителен персонал во болниците на грчките острови погодени од бегалските и мигрантските бранови
Итно вработување на доктори, медицински сестри и болнички персонал во болниците на петте грчки острови погодени од бегалските и мигрантските бранови, предвидува иницијативата на Министерството за здравство на Грција, како што соопшти надлежен министер Василис Кикиљас, говорејќи во интервју за грчката телевизија „Алфа“, јави дописничката на МИА од Атина.
-Во однос на петте острови и државните болници, во согласност со владата, ќе донесеме законодавна иницијатива во рамките на законите на Министерството за миграциска политика, за да ги зајакнеме болниците на овие острови. Потребно е зајакнување и поддршка, бидејќи се направени за да бидат во служба на жителите на островите. Па така, прв приоритет се овие луѓе, жителите на петте острови. Треба да ги зајакнеме нашите болници и тоа ќе го сториме со закон за да може да се забрзаат процедурите. И секако, хуманисти сме, Грци сме, гостопримливи сме, ќе ги поддржиме и центрите за идентификација и регистрација, рече Кикиљас
Во однос на новите затворени центри што ќе се градат на островите, министерот за здравство на Грција рече дека планирано е во внатрешноста да има здравствени единици за луѓето кои што ќе бидат сместени во центрите.
Ново на Сител
-
Деспотовски си поднесе оставка
-
Учебници за 7 одделение се уште нема – ќе се учи од старите
-
Забрана за градба во центарот на Охрид
-
Преглед на вести од светот
-
Ќе има ли ќар Македонија од евентуално репреговарање со Бугарија? Аналитичарите со спротиставени ставови
-
Тема на денот со Васко Наумовски
-
Ристовски најавува нови критериуми за ваучер системот во спортот и строги контроли
-
Поради зголемени безбедносни мерки по нападот во Србија, гужви на ГП „Табановце“