Дониран музички материјал за деца ученици со посебни потреби во Скопје, Битола и Прилеп
Интернационалниот музички фестивал „Тра-ла-ла“ денеска на Лајонс Д132 Македонија им врачи донација од музички материјал кој лајосните ќе го доделат на деца ученици од специјалното училиште за деца со посебни потреби „Димитар Влахов“ во Скопје, паралелката за ученици со посебни потреби во ОУ „Ѓорги Сугарев“-Битола и училиштето со специјални паралелки „Климент Охридски“ во Прилеп.
Хуманитарната акција е во рамките на Светската недела за достоинство на децата што ја организираат лајонсите од цел свет, а годинава е поддржана од интернационалниот музички фестивал за деца „Тра-ла-ла“-Битола, истакна гувернерот на Лајонс Д132 Македонија Звонимир Цветановски на промотивниот настан во Битола.
- Со нашата традиционална акција сакаме да го сочуваме достоинството на децата и да бидеме во првите редови кои помагаат на деца од сите ранливи групи. Со големиот музички материјал кој што денес го добивме од интернационалниот фестивал „Тра-ла-ла“-Битола овозможено ни е да им помогнеме на децата, а сакаме многу, сакаме да им го олесниме животот и да им го направиме да им биде песна, рече Цветановски на средбата со новинарите.
Интернационалниот музички фестивал за деца и младинци „Тра-ла-ла“ се одржува 16 години во Битола и секое фестивалско издание е архивирано во аудио и видео материјал кој освен во Македонија се дистрибуира во Европа и прекуокеанските држави.
- На фестивалот учествувале деца од 35 држави, и како единствена манифестација што собира многу деца кои пејат на својот мајчин јазик е препознатлива во Македонија и југоисточна Европа што ја негува детската култура. Нашиот фестивал постојано презема или прифаќа повици за хуманитарно делување, сме приредиле бесплатни концерти за помош и поддршка на деца, секоја година приредуваме забавни манифестации де болни деца во детското одделение на Клиничка болница-Битола, а овој пат со задоволство воспоставивме соработка и со македонските лајонси, посочи Тони Алексовски, директор на интернационалниот фестивал „Тра-ла-ла“-Битола.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето