Доделена хуманитарна помош на 265 социјално загрозени лица
Хуманитарна помош од Саудиска Арабија денеска им беше доделена на 265 лица кои живеат во социјален ризик од Берово, Пехчево и Делчево. Први помошта ја примија 50-ина социјално загрозени лица од Пехчево.
Јаај Оџов од организацијата „Турк Баир“ информираше дека помошта доаѓа од Саудиска Арабија, а со поддршка на НВО „Турк Баир“ и во општините од регионот ќе биде доделена на сите лица кои живеат во социјален ризик.
- Сакаме да им помогнеме на социјално загрозените семејства. Во пакетите има прехранбени производи, вода, ќебиња. Знаеме дека зимата тешко се поминува без доволно финансиски средства, па ова е еден наш придонес и овие луѓе барем за одреден период да имаат полна трпеза, рече Оџов
Градоначалникот на Пехчево, Игор Поповски, присуствуваше на доделувањето на хуманитарната помош. Тој истакна дека освен во Пехчево, 60 вакви пакети ќе бидат доделени и во пехчевското село Црник.
- Помошта на овие луѓе им е неопходна и ние како општина настојуваме да им помогнеме на овие луѓе кои живеат во социјален ризик, додаде Поповски.
Ново на Сител
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието