Димовски: СДСМ демонстрираше анархија и беззаконие преку платени хулигани
ВМРО-ДПМНЕ денеска на прес-конференција најостро го осуди вчерашното, како што посочија, палење, демолирање, кршење и вандализам за време на протестот на граѓанското движење „Протестирам“.
- ВМРО-ДПМНЕ најостро го осудува вчерашното палење, демолирање, кршење и вандализам на хулигани од СДСМ и СОРОС. Со тоа креираше хаос, се нарушува безбедноста и спокојството на граѓаните и повторно се предизвикува огромна материјална штета врз државните институции, истакна на прес-конференцијата Илија Димовски, координатор на пратеничката група и член на Извршниот комитет на партијата.
СДСМ, потенцираше Димовски, демонстрираше анархија и беззаконие преку платени маскирани хулигани со една единствена цел, да го предизвика гневот на македонскиот народ и граѓаните на Република Македонија и да поттикне меѓусебно закрвување и конфликт. - Ние знаеме дека тоа им е крајната цел, посочи тој.
Димовски рече дека СДСМ вчера доживеала дебакл бидејќи не успеала да ги наполни ниту половина од резервираните автобуси кај превозниците.
- Тоа се случи бидејќи голем број од членовите на СДСМ кои размислуваат разумно, рационално и кои чуствуваат патриотизам спрема оваа држава не сакаат да учествуваат во погубното сценарио на Зоран Заев, рече тој.
СДСМ, според него, вчера го допре дното и покажа во каква политичка агонија се наоѓа.
- Народот јасно виде дека во партијата нема ниту една конструктивна идеја со која би се излегло на политички мегдан и дека сите капацитети на ова раководство на СДСМ се посветени на целосна деструкција, насилство и вандализам, рече Димовски.
Според него, Заев се подлабоко тоне и сака во жива кал со себе да го повлече СДСМ, нивното членство, целиот народ и целата државата.
- Ова што вчера го демострираше СДСМ не е ниту борба за слобода, ниту борба за правда. Ова е борба на криминалното подземје со легитимните државни институциите. Оваа е борба на единствениот аболициран политичар Зоран Заев со државата, рече Димовски.
ВМРО-ДПМНЕ ги осудува сите навреди и закани искажани кон полициските службеници и им изразува целосна поддршка ним и на нивните семејства кои секојдневно се осудени да гледаат како „хулигани под заштита на Зоран Заев и СОРОС ја загрозуваат безбедноста на нивните татковци, синови, браќа“.
- ВМРО-ДПМНЕ ги охрабрува полициските службеници да продолжат да работат согласно Уставот и закононите на Република Македонија и да ја бранат државата и граѓаните од ваквите насилници. Насилството и вандализмот не смеат да поминат неказнето и секој што дивее и уништува треба за тоа соодветно да одговара, рече Димовски на прес-конференцијата.
Ново на Сител
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко
-
Во Охрид до 15 часот гласале околу 38, во Дебрца околу 37 отсто од гласачите
-
Во Тетово до 15 часот за претседател - 21,31 проценти излезеност, за пратеници - 37,01 отсто
-
Во Охрид до 15 часот гласале околу 38, во Дебрца околу 37 отсто од гласачите
-
Во Гостивар до 15 часот излезеноста за претседателските под 20 проценти, за парламентарните 26,6 проценти
-
ДИК: Излезеноста до 15 часот за претседателските избори 33,73 отсто, а за парламентарните 37,44 проценти
-
Излезноста до 15 часот во Дебар, за претседателските избори 15 отсто, за парламентарните 23 отсто