Димитров на неформалниот министерски состанок на ОБСЕ во Словачка
На покана на словачкиот министер за надворешни и европски работи и претседавач на ОБСЕ, Мирослав Лајчак, шефот на дипломатијата Никола Димитров ќе учествува на неформалниот министерски состанок на ОБСЕ што денеска и утре ќе се одржи во Штрбско Плесо – Високи Тарти, во Словачка.
Како што соопштија од МНР, на неформалниот состанок на министрите за надворешни работи ќе се разменат мислења за актуелните состојби во регионот на ОБСЕ, а во функција на редовниот годишен министерски состанок што ќе се одржи во декември оваа година во Братислава.
-Имајќи ја во предвид повеќедецениската успешна активност на Организацијата, се очекува дискусиите да се фокусираат на потенцијалот на ОБСЕ и придонесот во превенирањето и решавањето на конфликтите. Во пресрет на одбележувањето на 20 години од Истанбулскиот Самит кога Организацијата донесе клучни одлуки за адаптирање кон новите состојби по завршувањето на студената војна, се предвидува министрите да разговараат и за идните активности на ОБСЕ со цел таа да одговори на сѐ поголемите безбедносни трендови и предизвици, стои во соопштението.
Покрај учеството на пленарните сесии и работниот ручек, предвидено е, како што се посочува, министерот Димитров да оствари и билатерални средби со своите колеги.
Ново на Сител
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024
-
Преглед на вестите од светот
-
Фестивалот за народни песни и инструменти викендов во Прилеп и Долнени
-
Матураните со понизок успех од лани - Просечна оценка 3,25 на државната матура
-
Таравари и Клековски во посета на Клиниката за онкологија - Нови вработувања и отворање на нови амбуланти