Дифенс њуз: Речиси две третини од американските ловци не се во состојба да летаат

 Речиси две третини – 62 отсто, од американските воени авиони ловци Ф/1-18 Хорнет и Суперхорнет не се во состојба да извршуваат летови, објави американскиот неделник Дифенс њуз.

Околу 27 отсто од тие ловци се на ремонт додека 35 отсто на чекање поради недостиг од резервни делови. Главна причина за тоа е недостиг од финансиски средства.

Покрај тоа, околу 53 отсто од вкупната воена авијација, односно околу 1.700 авиони не се во состојба за летови.

Пред неколку дена шефот на Пентагон Џејмс Матис побара ревидирање на буџетот на организацијата за 2017 година со цел да се зголеми борбената готовност на американската армија.