Девојката по крвавата трагедија ќе остане во болница под надзор на психијатар
Дваесет и двегодишната девојка од Кочани, која беше сведок на трагедијата во која беше убиена нејзината мајка, ќе биде задржана во кочанската болница под надзор на психијатар, со оглед на стресот и траумата која ја има доживеано, потврдила за „Фокус“, доктор Борка Панова, директорка на болницата.
– После страшната семејна трагедија што се случи, девојката е кај нас во болницата и е во стабилна состојба. Има некои расекотини по телото. Сепак, после се што и се случи, таа е под стрес и мора да остане тука и одредено време да биде под надзор на психијатар. Таква семејна трагедија во 21 век е страшно и жално, истакна доктор Панова.
Од МВР и од обвинителството утринава информираа дека во 3.30 часот по полноќ се случила голема семејна трагедија, кога кочанец најпрвин ја убил својата сопруга, а потоа се самоубил. Она што семејната трагедија ја прави уште по траорна е што крвавиот чин се случил пред очите на двете нивни деца.
– Утринава во 3.30 часот, по семејна расправија, сега починатиот Б.А. неколкупати со нож ја ранил својата сопруга Л.А. Откако увидел дека жртвата покажува знаци на живот посегнал по чекан и со него и нанел неколку удари во главата со намера да ја усмрти. Сведок на насилството биле децата на брачниот пар, 22- годишната ќерка и 13 годишното момче кое веднаш побегнало и се засолнило кај соседи. Ќерката, по безуспешен обид да го спречи својот татко во кој и самата претрпела повреди, го пријавила случајот во полиција, велат од обвинителството.
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата