Демонстранти во Њујорк бараат намалување на буџетот на полицијата

Стотици демонстранти кои кампуваат пред градското собрание во Њујорк бараат од законодавците да го намалат буџетот на градската полиција.

Камп во паркот на Менхетен почна да се формира во почетокот од оваа недела, по неколку недели на улични протести предизвикани од смртта на Џорџ Флојд и други Афроамериканци убиени од полицијата.

Демонстрантите се дел од националното движење кое се обидува да го пренасочи полициското финансирање кон други потреби како што се домување и образование.

Демонстрантите бараат Градскиот совет да откаже најмалку милијарда американски долари од сегашниот полициски буџет од шест милијарди американски долари кога ќе почне со разгледување новиот градски буџет следната недела. Организаторите го нарекоа „Окупирај го Градското собрание“, по пример на движењето „Окупирај го Волстрит 2010“.

Градоначалникот Бил де Блазио вети дека ќе го скрати полицискиот буџет, но не кажа колку.