Демонстранти упаднаа во „Зелената зона“ во Багдад, ограбен Парламентот
Неколку илјади демонстранти упаднаа денеска во добро обезбедената „Зелена зона“ во Багдад, во која се наоѓаат најважните владини институции и странски амбасади, а неколкумина од нив ја ограбиле зградата на Парламентот откако пратениците не ја изгласаа новата влада.
Западни медиуми објавија дека илјадници „бесни“ демонстранти влегле во забранетата зона, од кои неколкумина почнале да ја ограбуваат зградата на Парламентот.
Според двајца очевидци, повеќе стотици приврзаници на шиитскиот муслимански свештеник Муктад ал Садр влегле во „Зелената зона“.
Демонстрантите, кои се собрале пред обезбедуваната зона, го преминале мостот над реката Тигар, извикувајќи „Бегајте кукавици“, мислејќи на пратениците кои си заминале од Парламентот.
Еден стражар на контролниот премин изјавил дека демонстрантите не биле претресени пред да влезат, а на една телевизиска снимка се гледа како тие развиориле ирачки знамиња, извикувајќи „Мирно, мирно“, додека некои стоеле на бетонските ѕидови со кои е оградена „Зелената зона“.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи