Дела од Детската ликовна колонија од Кратово изложени во Кочани

На изложбата, која ќе биде отворена 15 дена, претставени се 30-ина дела работени во повеќе техники. Мотиви што ги инспирирале младите творци се старата кратовска архитектура, мостовите, саат-кулата. 

 

В.д. директорот на  Домот на културата „Лазар Софијанов“ од Кратово на отворањето рече дека организирањето на изложбата во Кочани е резултат на успешната соработка што ја имаат со Центарот за култура „Бели мугри“, воспоставена  од почетокот на кратовската колонија, бидејќи нејзини учесници се и ученици од Кочани.

 

- Традиционално делата од колонијата ги изложуваме и во Кочани. На  годинашната, 23. Меѓународна детска ликовна колонија учествуваа триесетина ученици од повеќе градови на Македонија, како и деца ликовни творци од Србија и Бугарија, рече Ристовски.