Даниловски: Мајмунските сипаници не се пренесуваат лесно и мал е ризикот за епидемија
Во земјава вчера првпат лабораториски се потврдени два случаи на Monkeypox - Мајмунски сипаници. По потврдувањето на случаите, епидемиологот Драган Даниловски појаснува за какво заболување станува збор, нагласувајќи дека тоа не се пренесува лесно и оти е многу мал ризикот за епидемија.
-Мајмунските сипаници се вирусна болест предизвикана од monkeypox вирусот, кој припаѓа на истото семејство како и вирусот на големите сипаници (variola vera). Симптомите обично вклучуваат треска, главоболка, болки во мускулите и грбот, зголемени лимфни жлезди, исцрпеност, кожен осип кој може да се појави на лицето, рацете, стапалата, гениталната област или други делови од телото, инкубациски период од 6 до 13 дена, но може да варира од 5 до 21 ден. Болеста трае од 2 до 4 недели и во повеќето случаи се повлекува без потреба од специфичен третман. Сепак, кај лица со ослабен имунитет, деца и бремени жени, може да се развијат посериозни компликации, пишува Даниловски на својот Фејсбук профил.
Заболувањето се пренесува со директен контакт со кожни лезии или телесни течности на заразено лице, близок физички контакт, вклучувајќи сексуален однос, контакт со контаминирани предмети како облека, постелнина или прибор, респираторни капки при продолжен близок контакт лице в лице.
- Важно е тоа што таа не се пренесува лесно. Потребен е близок, продолжен контакт, вели доктор Даниловски.
Според него, ризикот за епидемија е многу низок. За сопствена заштита, нагласува, граѓаните треба да одржуваат хигиена (миење раце со сапун и вода), да избегнуваат близок контакт со симптоматски лица и споделување на лични предмети и при сомнителен осип да консултираат лекар. Нагласува дека мајмунските сипаници не се нова, ниту неконтролирана закана. Ситуацијата, вели, бара информираност и претпазливост, но не и паника.
Ново на Сител
-
Кривична пријава против четири лица за престрелката во Тетово, одреден 30-дневен притвор, по две лица се трага
-
Почина оперската примадона Милка Ефтимова
-
ЈКП Комуналец Пехчево: Водата според анализите не е безбедна за пиење
-
Мицкоски: Имаме обврска сите да обезбедиме подобра иднина за граѓаните
-
Енрике прогласен за најдобар тренер во Европа во изборот на ЕСПН
-
Одредени се сите парови за плејофот во Лигата на шампионите
-
Албанец со автомобил пробал да прошверцува 21 килограм свежа пастрмка во државава
-
Крајнодесничарската АфД за првпат стана најпопуларна партија во Германија