Дали знаете дека во патничкита авиони постојат „тајни соби“

Веројатно само малкумина патници знаат дека во поголемите патнички авиони постојат „тајни соби“ во кои се „дружат“ членовите на екипажите на леталата.

Иако, патниците имаат впечаток дека стјуардите и стјуардесите се цело време „на нога“, затоа што во текот летот постојано гледаат некои од нив, сепак во поголемите летала се наоѓаат и посеби оддели наменети само за нив.  

Овие „тајни соби“ најчесто се сместени во делот од кабината над првата класа, каде членовите на екипажот можат да преспијат. Скалите што водат до нив се скриени веднаш до пилотската кабина и во зависност од големината на авионот во нив има места и за до осум лица.

Во авионите „Боинг 747“ креветите за членовите на екипажот се на кат, а во некои летала, како „Ербас А380“, има и посебна просторија за одмор на пилотите. Во простоијата за пилотите во авионите „Боинг 777“, покрај два кревети, има и тоалет, мијалник и седишта како во бизнис класата.