ЦУК: Вчера имало 33 пожари, активни седум од вчерашните и четири нови од утрово
На тертиторијата на државава вчера имало вкупно 33 пожари. Активни од вчерашните се уште седум, а утрово има известување за четири нови пожари, два во Општина Ѓорче Петров и по еден во општините Петровец и Шуто Oризари, каде што се запалени отпадоци, информираат од Центарот за управување со кризи (ЦУК).
По дел од пожарите што загрозуваа села, како што се наведува во соопштението, се дејствувало и со два противпожарни авион на ДЗС и со еден хеликоптер на МВР, а некаде покрај ПП тимови во одбрана на селата се вклучи и месно население, како во Демирхисарско.
Големите активни пожари од вчера, заради коишто директорот на ЦУК, Стојанче Ангелов, лично направи хеликотерско извидување во соработка со хеликоптерската единица на МВР се во:
- Општина Македонски Брод, високо над с.Белица, во месноста „Аргулица“ под Солунска Глава на непристапен терен (каде што гори борова шума);
- Општина Штип, два пожара од поголеми размери, еден кај с.Селце на планинскиот дел Серта од Конечка Планина (нискостеблеста шума) и еден пожар с.Калапетровци (дабова шума и сува трева);
- Општина Крушево, кај селата Света и Бирино (дабова шума);
- Општина Чашка, месност „Горна и Долна Бабина Дупка“ (нискостеблеста шума);
- Општина Валандово, с.Пирава, месност „Бел Камен“ (ниска вегетација) и во
- Општина Струмица, кај с.Габрово (каде што горела ниска вегетација).
- По рекордот од 60 пожари во неделата, вчера имаше „само“ 33 пожари на отворен простор од коишто во моментот горат се уште седум од вчерашните и четири нови од утрово, велат од ЦУК.
Ново на Сител
-
Шест лица повредени во Колорадо од Молотови коктели, ФБИ смета дека е терористички чин | ВИДЕО
-
Аналена Бербок денеска се избира за претседателка на Генералното собрание на ОН
-
Алкараз победи на 100 натпревари во 119 натпревари на земја - само Надал го направи тоа побрзо
-
Приведени дрвокрадци од скопско | ФОТО
-
Влада: Оперативниот план за вработување за 2025 година зголемен за 7,5 милиони евра
-
Државниот завод за статистика со свечена академија ќе одбележи 80 години постоење
-
Седница на Комисијата за прашања на изборите и именувањата
-
Украина и Русија денеска во Истанбул на втора рунда преговори за прекин на огнот