ЦУК: Потрагата по тројцата моторџии изгубени на планината Плачковица заврши среќно
Среќно заврши потрагата по тројцата моторџии кои вчера биле пријавени дека се изгубени на планината Плачковица, а нивните семејства не можеле да воспостостават телефонски контакти, информираа од Центарот за управување со кризи (ЦУК).
Од ЦУК го пренесуваат известувањето од регионалниот ЦУК-Штип, дека преку единствениот повикувачки број за итни случаи, е добиена информација за изгубени лица на планина Плачковица. Тројцата моторџии биле со поголема група кои се упатиле од хотел „Бел камен“ -Радовиш кон село Зрновци. Последен контакт со нив е околу 19:00 часот, при што кажале дека се заглавени во некоја кал на неодредена локација.
- Во потрага биле вклучени: 15-16 лица со мотори кои биле во нивната група, едно полициско возило од Полициската станица (ПС )Штип на правецот Туртел – одмаралиште Универзитет „Гоце Делчев“ (УГД), едно полициско возило од село Зрновци кон Плачковица, околу 20-25 луѓе од поблиската фамилија на исчезнатите лица. Истоврено, било контактирано со Доброволна планинска спасувачка служба „Осогово“ од Кочани, кои се организираат да тргнат во пребарување. Биле известени и дежурните од ДЗС Скопје за превземање мерки во нивна надлежност, се вели во соопштението од ЦУК.
Регионалниот ЦУК Штип утринава извести дека од Планинарска служба Осогово со четири лица и едно теренско возило во 5.00 часот излегле на терен и пребарувале на ралција Видовиште, Латал - Бел Камен.
Според последните информации добиено од РЦУК Штип, едното од изгубените лица во 06:58 часот воспоставило контакт со член на фамилија и известил дека трите лица со моторите се заглавени во кал, па ноќта ја поминале на планината Плачковица и дека се во добра здравствена состојба.
Ново на Сител
-
Тешка сообраќајна несреќа во Охрид - Повредена 43 годишна жена
-
Перински: Нема законска можност општините да финансираат Албанска академија на науките
-
Најниска тепература утрово во Берово, дневните ќе достигнат до 20 степен
-
Домот на Нетанјаху бил погоден со дрон, изјави неговиот портпарол
-
Македонски камион со муниција за Израел стигна во Грција: Работници ја блокираа пратката
-
Главната цел на Русија на самитот на БРИКС: Крај на доминацијата на доларот
-
Украински функционер повика на евакуација на градот Покровск
-
Нетанјаху нареди дополнителни испораки на хуманитарна помош за Газа