ЦУК: 1.708 повици на 112 во последното деноноќие
Во Центарот за управување со кризи (ЦУК) според последниот извештај имало вкупно 1 708 повици на Единствениот број за итни случаи 112.
- Од нив „реални“ повици биле 58,02 отсто, а 41,98 отсто биле за други потреби на граѓаните што не биле итни. Кон Полиција биле упатени 63,42 отсто, кон Итната медицинска помош 27,24 отсто, a кон пожарникарите 5,06 отсто од реалните повици кон 112, се вели во соопштението.
ЦУК информира дека Сеизмолошката опсерваторија при Природно-математичкиот факултет во Скопје, синоќа во 21 часот и 46 минути, регистрирала земјотрес чиј епицентар припаѓа на скопското епицентрално подрачје, со Рихтерова локална магнитуда 2.9. Земјотресот бил почувствуван од населението на градот Скопје и пошироката околина, со интензитет од III-IV степени според Европската макросеизмичка скала.
Во последното деноноќие, како што соопшти ЦУК, имало регистрирано седум пожари на отворено на територијата на државата, при што гореле ѓубришта, депонии, стрништа, сува трева и ниска деградирана шума.
Центарот за управување со кризи апелира за редовно чистење на локалните одводни канали и да не се фрлаат отпадоци во нив, како и во речните корита.
Ново на Сител
-
2023 сообраќајни прекршоци изминатите три дена, 362 за брзо возење
-
Во Велес синоќа се запали куќа од удар на гром, повредени нема
-
Манчестер јунајтед претрпе 20 порази во една сезона за прв пат по 50 години
-
Вардар го освои Купот на Македонија
-
Каја Калас: Враќање на Западниот Балкан
-
Може ли финско-руската граница да биде следната зона на конфликт по војната во Украина?
-
Опожарено „БМВ“ во движење во близина на граничниот премин Табановце
-
УКИМ одбележува 76 години од основањето