Црвениот крст од Гевгелија за 8 месеци собрал 500 единици крв

Општинската организација на Црвениот крст од Гевгелија на полето на крводарувањето во изминатите осум месеци стигна до бројката од собрани 500 единици крв кои се реализирани со голема помош од службата за трансфузија при гевгелиската Општа болница.

- Изминатиот месец поради користење на годишни одмори не бевме многу активни на терен.Собравме 28 крвни единици од доброволните дарители само во просториите на болницата во Гевгелија.Многу поуспешни бевме во текот на јуни и јули кога од трите акции што ги спроведовме во Дојран, на турнирот во мал фудбал во Миравци и со полицајците од Гевгелија, собравме повеќе од 120 крвни единици благодарение на кои стигнавме до објавениот резултат, информираат надлежните од гевгелискиот Црвен крст.

Активностите на полето на крводарувањето ќе продолжат во текот на овој месец со најавените акции меѓу текстилните работници и средношколците од Гевгелија и Богданци кои редовно ја даруваат драгоцената течнот неопходна за спасување човечки животи.