Црквите во Грција пред Велигден затворени за верниците
Оваа недела пред Велигден, црквите во Грција ќе бидат затворени за верниците, а Светиот Синод ги охрабрува сите верниците да останат дома, посветени на домашна молитва, вели митрополитот Јеротеос , претставникот за медиуми на Грчката Православна црква во денешните информативни емисии на телевизиите во Грција, јави дописничката на МИА од Атина.
Изјавата и појаснувањата доаѓаат откако грчките медиуми објавија циркулар од Светиот синод на ГПЦ испратен до соборните храмови во Грција со упатства во пресрет на Велигден и акцентот го ставија на делот во кој пишува дека црквите, неделата пред Велигден ќе бидат отворени од 11 до 13 часот , а на Велики Петок од 13.00-17 часот.
Митрополитот Јеротеос објасни дека станува збор за препораки наменети за свештените лица, а не за верниците, за кои црквите ќе бидат затворени.
– Под актуелните околности, Светиот синод не охрабрува ниту еден верник да дојде во црква. Црквите не се отворени за верниците и ова е значењето на литургии „зад затворени врати“, соопштуваат од ГПЦ, пренесе грчката новинска агенција АНА-МПА.
Портпаролот на грчката Влада Стелиос Пецас на денешниот редовен брифинг со новинарите, околу конкретното прашање, рече дека црквата покажува одговорна позиција, а владата е во постоја контакт со Светиот синод за да се спречат било какви собири во деновите пред Велигден.
-Во однос на работното време, разгледуваме различни прашања за да не се создаваат гужви, потсетувајќи дека не постои специфична одредба за движење во црквите. Но, патем, кога некој ќе излезе од дома од оправдани причини, може да помине и за индивидуален обред во локалната црква, рече Пецас.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?