Ципрас реизбран за лидер на СИРИЗА
Лидерот на СИРИЗА Алексис Ципрас, за време на вчерашните партиски избори, беше реизбран за претседател на партијата, јави дописничката на МИА од Атина.
Ципрас немаше против кандидат, а по завршувањето на гласањето, кое поради големиот интерес беше продолжено за еден час, лидерот на опозициската партија се осврна на масовното учество во процесот, посочи дека биле вклучени над 110.000 нови членови и дека беше направен „голем, значаен и решителен чекор за одново да се врати надежта во земјата“.
-СИРИЗА, со 30.000 членови, во минатото победи во три круга избори. СИРИЗА, со 172.000 членови денес, сигурно ќе биде првата партија со разлика на следните избори, тогаш кога господинот Мицотакис ќе реши да распише избори, истакна Ципрас.
Додаде дека СИРИЗА стана „најмасовната партија со активни членови во Грција и една од најмасовните партии на левицата во цела Европа“, што според него е „исклучително важен успех“.
Освен за претседател, членовите на СИРИЗА гласаа и за членови на Централниот комитет на партијата.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера