Чориќ го совлада Федерер во Хале

Хрватскиот тенисер Борна Чориќ направи изненадување на турнирот во германскиот град Хале откако во финалето во три сета славеше против првиот светски рекет Роже Федерер со што ја освои својата втора титула во кариерата.

Швајцарецот беше голем фаворит на овој меч и се очекуваше негов 10-ти триумф на овој турнир но по загубениот прв сет во тај-брејкот беше јасно дека Чориќ бара реванш за поразот во Индиан Велс.

Вториот сет Федерер го одигра беспрекорно и го доби со 6-3 но во третиот беше немоќен против далеку помладиот ривал и освои само два гема.