Четврти меѓународен научен симпозиум „Денови на Јустинијан I”
Педесетина професори и научници од 15 земји ќе учествуваат на Четвртиот меѓународен научен симпозиум „Денови на Јустинијан I” кој ќе се одржува денеска и утре во организација на Универзитетот „Евро-Балкан“ и Универзитетот во Болоња, во партнерство со Институтот за национална историја и со поддршка од Министерството за култура.
Научниот симпозиум денеска ќе биде отворен со обраќања на професорите Џузепе Маино, коорганизатор на Меѓународниот симпозиум од Универзитетот во Болоња, и Митко Б. Панов, претседател на меѓународниот организациски и научен комитет, и со обраќање на Карло Ромео, амбасадор на Италија во Македонија. На првиот ден од симпозиумот ќе биде промовиран и Зборник на трудови од третиот симпозиум, приреден од проф. д-р Елизабета Димитрова.
-Меѓународниот научен симпозиум „Денови на Јустиниан I” е годишен интердисциплинарен научен форум за презентација на најновите истражувања проследени со дискусија за различни аспекти на византолошките и средновековните студии, што го вклучува третманот и интерпретацијата на културното, историското и духовното наследство во современа Европа.
- Симпозиумот е посветен на императорот Јустиниан Први и има цел да опфати широк спектар на прашања поврзани со Византија и европското средновековие, што го опфаќа истражувањето на културното и историското наследство како интегративна компонента на различноста и заедништвото на обединета Европа, соопштија организаторите.
Специјална тематска целина на годинашниот меѓународен симпозиум е „Византиското мисионерство и придобивките за Европа“, со што се одбележува 1100-годишнината од упокојувањето на св. Климент Охридски.
Ново на Сител
-
Истрагата за пожарот во кочанската дискотека проширена и со сопственикот на објектот
-
Помалку дипломирани студенти во 2024 година
-
Зеленски предлага трилатерална средба со Трамп и Путин
-
Приведени двајца крадци од Прилеп, со мотоцикл одзеле златно ланче од 76-годишна жена
-
Жртва на „Беланоца-Барон“ убиен за 10.000 евра бидејќи предал обвинети во „Монструм“
-
Скопското обвинителство бара притвор за жител од Батинци поради недозволено држење оружје и муниција
-
„Генерацијата З“ пие сѐ помалку алкохол
-
Трагедија во Струга, бебе старо 2 месеци донесено починато во болница