Честитка од Сиљановска-Давкова до американскиот претседател Бајден по повод Денот на независноста на САД
Претседателката на државата Гордана Сиљановска-Давкова во честитка до претседателот на САД, Џо Бајден, по повод Денот на независноста на Соединетите Американски Држави, во име на македонските граѓани и во лично име упати желби за просперитет и за сестран развој на САД и, како што напиша, „за благосостојба на пријателскиот американски народ“.
-Овој 4 Јули, американските граѓани ја прославуваат 248-годишнината од усвојувањето на Декларацијата за независност и ги слават принципите на слобода и на еднаквост, коишто се вградени во овој документ, што претставува инспирација за многу народи во светот. Стремежот на татковците на американската нација да формираат влада, којашто го застапува и ја црпи својата моќ од народот, е подеднакво валиден до денешен ден и за многу други народи и концепти на управување, вклучувајќи го и македонскиот. Споделувајќи и негувајќи ги овие вредности, ние сме горди на традиционалното пријателство со американскиот народ и сме посветени на неговото натамошно зацврстување, како и на унапредување на соработката во сите сфери од заемен интерес, пишува во честитката на Сиљанвска-Давкова.
Како стабилен партнер и докажан сојузник на Соединетите Американски Држави во НАТО Алијансата, додава претседателката, „остануваме фокусирани на заедничките определби за безбедност, слобода и демократски просперитет со учество во заедничките активности во борбата против заканите врз стабилноста и мирот во Европа и во светот“.
Таа се заблагодарува и за поддршката од страна на Соединетите Американски Држави во спроведувањето на нашите реформски процеси, нагласувајќи дека „ќе продолжиме посветено да работиме на нивната реализација“.
-Нашата крајна цел е унапредување на благосостојбата на македонските граѓани, полноправно членство во ЕУ, а со тоа и подигнување на нашиот статус и зголемување на нашата сила како сојузник во НАТО. Повторувајќи ги моите срдечни честитки и надежта дека цврстите врски помеѓу нашите две земји и пријателски народи ќе продолжат да јакнат и во иднина, Ве молам, господине Претседателе, да ги примите изразите на моето највисоко почитување, пишува во честитката на Сиљановска-Давкова.
Ново на Сител
-
Хеликоптерот на МВР исфрли над 20 тони вода врз пожарот кај село Папрадиште
-
Британската полиција се подготвува за антимуслимански немири и контрапротести
-
Се уште активен пожарот меѓу селата Ореше и Папрадиште во општина Чашка
-
Казнети полицајци кои не казниле возач кој со Порше возел со 272 км/ч
-
Приколка од товарно возило усмрти маж од Младо Нагоричане
-
Угина слоницата во ЗОО, имало обид за тајно да се однесе во Дрисла | ВОЗНЕМИРУВАЧКО ВИДЕО
-
Бран протести во Србија против ископ на литиум, в сабота најавен масовен протест во Белград
-
Вашингтон Пост: Израел предизвикал гнев во Белата куќа откако соопштил дека го ликвидирал Ханија