-->
-->
Чешка нема да ги задржува сириските бегалци кои побарале азил во Унгарија
-->
![](/sites/default/files/styles/large/public/article/teaser-images/2015/september/sghser.png?itok=wDNf_d0S)
Република Чешка од денеска ќе престане во нејзините прифатни центри да ги задржува бегалците од Сирија, кои претходно поднеле барање за азил во Унгарија, информираше портпаролката на полицијата Катерина Рендлова.
Според сменетите правила, полициските службеници ќе ги сослушаат бегалците и ќе им понудат азил во Чешка.
Ако тие тоа не го прифатат ќе мораат до седум дена да ја напуштат земјата, по што нивното патување во Германија ќе биде побрзо.
Досега, бегалците Сиријци беа упатувани во прифатни центри каде што обично минуваа 42 дена.
Од сега, бегалците кои ќе бидат откриени на пример во воз, ќе бидат одведени во полиција, сослушани и ако не сакаат азил ќе можат да продолжат понатаму.
Според чешката полиција, постапката се менува заради тоа што Унгарија не сака да ги врати назад бегалците кои доаѓаат на чешката територија и така само им се оддолжува нивниот пат до Германија каде би добиле азил.
Новите правила се однесуваат и на Сиријците коивеќе се наоѓаат во чешките прифатни центри и ги испилнуваат условите за продолжување на патот.
Овие правила нема да важат за сириските бегалци кои нема да побараат азил во Унгарија и тие ќе бидат третирани како досега и ќе бидат сместувани во прифатилиштата.
-->
-->
-->
Ново на Сител
-
Ново директорско место за партијата на Стоилковиќ
-
Околу 6.400 Палестинци се водат како исчезнати од избувнувањето на војната во Газа
-
САД: Ќе работиме со Северна Македонија и Грција да го одржaт Договорот од Преспа
-
Кривична за разрешената в.д. организациска директорка на Токсикологија, Бесија Иљази
-
Лажна кампања за тргување со крипто валути се шири на социјалните мрежи, алармира МВР
-
На петте најдобри студенти кои завршиле медицина ќе им биде дадена шанса веднаш да се вработат во здравството
-
Во Скопје санкционирани 122 возачи
-
Приведени крадци во Кавадарци