Чавков на манифестацијата „Летен хепенинг 2016“ во Сливница
Да се подигне свеста на посетителите на туристичките места за самозаштита од кражби, да се делува превентивно, како би се намалил бројот на кражби на вредни предмети на плажите, како и провални кражби од возила, камп-приколки и бунгалови во туристичките населби во Преспанскиот регион на Општина Ресен, како и зајакнување на довербата помеѓу полицијата и заедницата.
Ова е целта на проектот „Безбедно на нашите плажи“, нагласи министерот за внатрешни работи Митко Чавков, кој денеска на плажата „Конект“ во село Сливница на Преспанското Езеро присуствуваше на манифестацијата „Летен хепенинг 2016“.
Во поздравниот говор министерот Чавков меѓу другото истакна дека се предвидени и посети на сите останати излетнички места-плажи во преспанскиот регион каде ќе се реализираат средби со правните субјекти, средби со граѓаните на кои ќе им бидат поделени флаери и промотивен материјал за подобро и посликовито да се запознаат граѓаните-посетителите со превентивните активности на полициската станица од општа надлежност од Ресен, но во исто време и со превентивните активности на Отсекот за превенција од СВР Битола.
Според градоначалникот на Ресен Ѓоко Стрезовски, безбедноста на туристите и сите оние кои ќе ја посетат Преспа е од голема важност.
- Ваквата денешната акција која се однесува на безбедноста на граѓаните, летовалците и сите кои ќе ја посетат Преспа ќе има особено значење. Преспа е меѓугранично подрачје, кое особено во текот на летото е посетено од огромен број граѓани и сметам дека ваквите акции кои ги работиме заедно со Полициската станица во Ресен и МВР ќе имаат големо значење и придонес во зачувување на безбедноста, изјави градоначалникот Стрезовски.
Ново на Сител
-
Играчите на АЕК се повлекоа, натпреварот со Алкалоид одложен
-
Париските таксисти се закануваат дека ќе го блокираат пристапот до Ролан Гарос
-
Френки де Јонг би можел да ја напушти Барселона во летниот преоден рок
-
Манчестер сити, Челзи и Њукасл изборија учество во ЛШ на крајот од сезоната во Премиер лигата
-
УХМР: Утре се очекува силен ветер од северен правец
-
Израелската војска соопшти дека ги „интензивира“ активностите во Газа
-
Полковникот Стефан Ивановски и Ана Нешковска од MO загинале во сообраќајката кај „Илинден“
-
Таравари: Вознемиреност со чувство на вина, победата во октомври е многу блиску