Цехте пред дуелот со Алборг: Веруваме во прва победа во ЛШ
Ракометарите на македонскиот првак Еурофарм Пелистер со оптимизам го очекуваат утрешниот дуел против Алборг во рамки на претпоследното коло во групата А во Лигата на шампиони.
Десниот бек на битолскиот состав Нејц Цехте денеска во изјава за клупскиот сајт истакна дека Еурофарм Пелистер е подготвен да ја забележи првата победа во групната фаза.
„Едвај го чекаме натпреварот. Тоа ќе биде празник за ракометот и можност да покажеме дека можеме да се носиме со најдобрите. Посакуваме победа и верувам дека можеме во среда да дојдеме до неа“, изјави Цехте.
На две кола до крајот на групната фаза Еурофарм Пелистер е последнопласиран без бодови, а на првиот дуел против Алборг македонскиот тим загуби убедливо со 38-23.
„Првиот меч дозволивме да влеземе во нивниот ритам, но овојпат нема да биде така. Ќе видат како е да се игра пред вистинска публика. Тоа не им и познато, стилот на навивање е целосно различен, па тоа мислам дека ќе биде нашиот адут“, порача Цехте.
Дуелот е на програмата утревечер со почеток во 20:45 часот во салата „Боро Чурлески“.
Ново на Сител
-
Багерист во Мирковци пронашол експлозив
-
Кривична против седум лица за „несовесно работење во службата“ - Предизвикале штета на државниот буџет во износ од 32,000 евра
-
Кривична пријава против 50 годишен скопјанец - Нападнал полицаец во амбулантното одделение во затворот Идризово
-
Малолетници нападнале соученик и се обиделе со тврд предмет да го силуваат
-
Претрес во Охрид, пронајдена дрога, приведен дилер
-
ЕСМ Снабдување со топлина со апел до потрошувачите за навремена подготовка за непречена испорака на топлинска енергија
-
Останува ист коефициентот за утврдување на плата на именуваните и избрани функционери
-
Судот на правдата на ЕУ ја отфрли жалбата на „Гугл“ на казната од 2,4 милијарди евра