Царовска: Инспекторите во зајакнати контроли, работниците и компаниите да ги почитуваат протоколите
Владата вложува максимални напори да направи баланс во заштитата на работниците и функционирањето на компаниите, истакна денеска вицепремиерката задолжена за економски прашања Мила Царовска на „Zoom“ состанокот со преставници на граѓанските организации Гласен текстилец, Хелсиншки комитет, ФООМ и други организации, како и со претседателката на Инспекциски совет и со директорите на трудов и пазарен инспекторат.
Таа апелираше на засилено присуство на инспекторите на терен во насока на утврдување на почитувањето на мерките и протоколите во угостителските компании, транспортот на работниците и во производствените погони.
На состанокот, како што соопштија од Кабинетот на вицепремиерката, се дискутирало за спроведувањето на мерките и препораките на Владата во делот на заштита на работничките права, за инспекциските надзори, почитувањето на протоколите од страна на работниците и компаниите особено во Штип и Тетово каде што има појава на кластери во неколку правни субјекти.
Состанокот бил искористен граѓанските организации да дадат свои предлози што ќе помогнат во носењето нови мерки за полесно справување со здравствено-економската криза предизвикана од Ковид-19.
– Редовните состаноци со граѓанските организации и раководството на инспекторатите овозможува навремена и брза размена на информации, како и можност за координирано постапување на терен на инспекциските служби, истакна Царовска.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје