Булмак: Несреќен настан во рудникот „Тораница“
При поставување експлозивни средства за минирање во јама на рудникот „Тораница“ – Крива Паланка вчера во попладневните часови се случи несреќа, во чии рамки беа повредени тројца рудари од овој рудник. Kако последица на сериозноста на повредата и видот на ранувањето, еден од нашите вработени подлегна на повредите, додека останатите двајца беа пренесени во ЈЗУ Општа Болница “Куманово“, информираат од компанијата „Булмак 2016“ ДООЕЛ Пробиштип.
Одговорни лица од нашата компанија, порачуваат, се во континуиран контакт со болницата и ја следат состојбата на повредените колеги.
-За овој трагичен настан компанијата „Булмак 2016“ веднаш ги извести сите надлежни институции и органи кои пристапија со истражна постапка на местото на несреќата. По завршување на целата истражна постапка од страна на надлежните органи, компанијата „Булмак 2016“ ќе преземе дополнителни мерки за утврдување на околностите на несреќата во соработка со компаниите – добавувачи на експлозиви и детонатори кои се користат во рамки на редовната работа во рудникот, порачуваат од компанијата и изразуваат искрено и длабоко сочувство и жалење до семејството на починатиот колега, а на другите двајца им посакуваат што поскоро заздравување.
Ново на Сител
-
ДИК: Гласаат болни и изнемоштени лица, затвореници и дијаспора
-
Изборна статистика
-
Масовна посетеност на струшката литија
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора
-
Избори во Идризово, гласаат близу 900 затвореници
-
Во Штип гласаат болни и изнемоштени, излезноста со ист процент како и во првиот изборен круг
-
МВР подготвено за избори