Боки 13: Ќе ме ослободеа ако кажев дека Катица е виновна
Јас одев на седумдневен одмор во Грција, а не како што вели Русковска дека сум сакал да побегнам. Тоа е ноторна лага. Ноторна лага е и тоа дека сум возел 200 на час и дека сум побегнал, рече Бојан Јовановски, откако неговиот адвокат Сашо Дуковски побара да му се укине затворскиот притвор на Јовановски, пренесува „Плус Инфо„.
– Мојата здравствена состојба стана шпанска серија, немојте судијке на мене да тренирате правда – рече Јовановски кој се обрати пред судечкиот совет барајќи притворот да му се замени со поблага мерка, односно со домашен притвор.
-Терапијата што ми ја препишаа лекарите не може јас да ја примам во затворската ќелија во која јас сум повеќе од седум месеци. Таму не ни примам терапија. А морам да кажам дека немам намера да побегнам. И не само ова, сметам дека е дискриминирачки тоа што немам формирано семејство да се зема предвид при одредувањето притвор – додаде Јовановски кој нашироко и објаснува на судијката зошто е неправедна мерката затворски притвор.
Тој веќе половина час ја уверува судијката дека ќе доаѓа на рочиштата, дека нема да бега и побара судечкиот совет да донесе правилна одлука.
Јовановски се пожали дека постојано има притисоци.
– Ако постапам како што постапи Кичеец и ако кажев дека Катица е виновна или дека Фросина земала пари ќе ме ослободеа – рече Јовановски.
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово