Битола го одбележува денот на патронот Св. Нектариј Битолски
Без свечености и без литија, но со утринска богослужба, Преспанско-пелагониската епархија го одбележува 18. декември – Денот на свети Нектариј Битолски, патрон и заштитник на градот Битола.
Од битолската Митрополија, седиште на Преспанско-пелагониската епархија, информираат дека годинава патрониот празник на градот не се слави масовно заради пандемијата, но скромно се чествува со што продолжува традицијата востановена од 2008 година кога Св. Нектариј Битолски од Советот на Општина Битола беше прогласен за патрон заштитник на градот.
-Утрово во храмовите на Преспанско-пелагониската епархија ќе се одржи богослужба, а верниците мора да ги почитуваат здравствените мерки препорачни од Владата. Верниците кои се инфицирани од вирусот Ковид-19 да останат дома. Сите кои се заразени од таа болест или пак биле во контакт со некој што бил заразен, да не доаѓаат во црква се додека не заздрават. Треба да се почитуваат мерките нагласуваат од битолската Митрополија.
Додаваат дека верниците треба да бидат многу внимателни, ако некој е заразен од болеста предизвикана од Ковид-19, да не ја крие болеста туку веднаш да се пријави кај својот матичен лекар, да биде во самоизолација, а ако болеста стане сериозна по здравјето, да оди во болница и да се лекува.
-Да не се плашиме од ништо, да имаме само силна вера и надеж во Бога дека ќе ги совладаме сите искушенија, а со божја помош се надеваме дека во текот на идната година, во првото тримесечје да се ослободиме во голема мера од оваа болест, посочуваат од преспанско-пелагониската епархија на Денот на патронот на градот Св. Нектариј Битолски.
Ново на Сител
-
УХМР: Следните два дена топло, потоа локален пороен дожд и ветер
-
Нелегално оружје и муниција одземени од стружанец, за дел поседувал дозвола
-
Три месеци затвор за убиството на кучето Феликс
-
Лекар во Струшката болница го оштетил буџетот на установата за два милиони денари
-
Кривична за дебранец за недозволено изработување и трговија со оружје и муниција
-
Лим од заштитна ограда на градилиште падна врз велосипедист кај „Беко“
-
Го фатила за врат снимателот и му ја оштетила камерата, на новинарот му го одзеле и фрлиле телефонот, обвинение за нападот во Визбегово
-
Модриќ потпиша за Милан