Бискупот Стојанов упати сочувство за настраданите во Кочани
Во недела 16 март 2025 година, Скопскиот бискуп и Струмичко-скопски бискуп монсињор д-р Киро Стојанов, со длабока тага ја прими веста за страшната трагедија во Кочани, во која згаснаа голем број млади животи, а стотици се повредени. По тој повод во негово лично име и во име на Католичката црква во Македонија, изразува сочувство до семејствата на загинатите, жалејќи за изгубените млади животи.
Епископот Стојанов ги ветува своите лични молитви и молитвата на Црквата, препорачувајќи ги загинатите на Божјото милосрдие.
Повредените, семејствата и сите оние кои се борат за нивните животи тој ги препорачува на застапништвото на Пресвета Богородица, да им дарува побрзо оздравување, сила, утеха.
Скопскиот бискуп и Струмичко-скопски епарх монсињор д-р Киро Стојанов одлучи во недела 16 март 2025 година во 19.00 часот во црквата „Раѓање на Свети Иван Крстител“ во Струмица да служи Панахида за покојните, наместо трибината за Јубилејната година, која беше планирана за тој термин.
Во деновите на жалост, започнувајќи од денес во сите цркви на Католичката црква во Македонија ќе се моли за покојните и за здравје на повредените.
Ново на Сител
-
ВЛЕН во центарот на Дебар му оддаде почит на Андреј ДНК
-
Авиoн на грчкoтo воeно воздухопловство вечервa од Скопје ќе пренесе во Атина тројца повредени
-
Во Пустец оддадена почит на загинатите во трагедијата во Кочани
-
Уште 12 повредени префрлени на лекување во Србија, тројца во Грција и двајца во Австрија
-
Српскиот град Чачак на ЛЕД екраните низ градот го истакна македонското знаме
-
Притвор за Беким Максути, поранешниот директор на Дирекцијата за заштита и спасување
-
„Заедно седеа во клупа, заедно заминаа кај ангелите“, наставничка емотивно се прости од Никола и Матеј кои загинаа во пожарот
-
„Ројтерс“ објави ВИДЕО од багери кои ги копаат гробните места на посебно место во гробиштата