Берлин се заложи за преодна влада во Сирија
Германскиот министер за надворешни работи Франк-Валтер Штајнмајер се заложи за преодна влада во Сирија и предложи посредување меѓу приврзаниците и противниците на дијалогот со сирискиот претседател Башар ал Асад.
- Ако успеам да ги соберам сите главни играчи во регионот, Европа, САД и Русија, на заедничка маса, ќе значи дека се движиме кон формирање на преодна влада, а тоа би било голем успех, изјави Штајнмајер за германската телевизија А-Ер-Де.
Асад е важен за прекин на огнот во Сирија, но на долг рок мирната иднина на земјата не може да е поврзана со него, нагласи германскиот министер за надворешни работи, пренесува ТАСС.
Според Штајнмајер улогата на Русија во уредувањето на сириската криза може да се одрази позитивно на решавање на ситуацијата во Источна Украина. - Се надевам дека соработката со Русија по прашањето за Сирија ќе помогне да се направи чекор напред во украинскиот конфликт, изјави министерот.
Штајнмајер, сепак, смета дека не треба дејствијата на Москва за решавање на сириската криза да се разгледуваат во контекст на ситуацијата во Украина. - Јас не би ги мешал тие две нешта, нагласи Штајнмајер, повторувајќи го ставот на Германија дека санкциите кон Русија може да бидат повлечени само во случај на исполнување на договорот од Минск.
Ново на Сител
-
СДСМ: ВМРО-ДПМНЕ го стави Коце Трајановски да располага со 600 милиони евра
-
Подготвен сум да разговарам за предлогот за распуштање на Судскиот совет и на Советот за јавни обвинители, вели Мицкоски
-
Приведен крадец во тетовски Порој, затекнат на дело
-
Приведени две лица, претрес во Штип, пронајдена дрога
-
Приведени двајца кавадарчани поради семејно насилство
-
АСО: Граѓани наплатија над седум милиони евра од осигурување живот за пет месеци
-
Приведен 28-годишник од Тетовско баран по централна потерница
-
ДЗР: Одржувањето на магистралните и регионалните патишта во опасност поради сериозните финансиски предизвици на ЈП