Берлин ги затвора границите за азиланти од Алжир, Тунис и Мароко
Германскиот вицеканцелар и министер за економија Зигмар Габриел најави дека Владата во Берлин ќе ги стави Алжир, Мароко и Тунис на листата на „безбедни земји“, што ќе значи дека нивните граѓани ќе немаат големи шанси да добијат азил во Германија.
Како што јави дописникот на МИА од Берлин, со новите мерки, кои доаѓаат откако Финска и Шведска најавија план за депортација на десетици илјади луѓе, дел од бегалците во Германија ќе немаат можност во следните две години во земјата да ги донесат и своите семејства.
Финската Влада најави депортација на околу 20.000 од вкупно 32.000 баратели на азил кои лани пристигнале во замјата. Голем дел од нив се од земји во кои нема конфликт, по што се очекува тие да заминат во некој друга европска земја, а прва на удар би била Германија. Шведска во наредниве неколку години планира да депортира 80.000 луѓе, кои не ги исполнуваат условите за добивање азил.
Според новите правила во Германија, мигрантите кои ќе добијат т.н. „субсидијарна заштита“, што е едно ниво понизок статус од оној на бегалците, нема да можат да ги донесат своите семејства во следните две години. Овој статус се дава на некои одбиени баратели на азил, кои што се соочуваат со прогонство во своите земји.
Ставањето на Алжир, Марово и Тунис на листата на безбедни земји може да се поврзе и со новогодишните сексуални напади врз стотици жени во Германија, при што голем дел од напаѓачите беа од овие земји.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп