Белгија ќе ги добие првите вакцини против Ковид-19 до идната пролет
Според белгиските медиуми, првите дози вакцини против Ковид-19 би требало да пристигнат во Белгија во март, јави дописничката на МИА од Брисел.
Според генералниот директор на Агенцијата за лекови на Белгија, Ксавие ДеКејпер, вакцините треба да бидат достапни за Белгија до идната пролет, најверојатно во март 2021.
-Врз основа на сите информации со кои располагам, можам да тврдам дека во март 2021 би можеле да имаме достапна вакцина против Ковид-10 во Белгија, ова е реалистичен рок, изјави ДеКејпер за белгиските медиуми.
Директорот својата проценка ја темели врз информациите и преговорите што ги води со производителите на вакцините.
Тој објаснува и дека нема да можат сите земји во ЕУ да ги добијат дозите на вакцина во исто време, и се очекува ЕУ да произведе шема на дистрибуција. Според него, првата набавка би требало да се состои од околу педесет милиони вакцини, од кои Белгија ќе добие 1,2 милиони дози.
Ново на Сител
-
Првични резултати од прегласувањето на парламентарните избори
-
Ковачевски поднесе оставка од функцијата претседател на СДСМ
-
ЦУК: Поплавени дворови и подрумски простории во Драчево
-
Авион принудно слета на аеродромот во Тирана, патник се обидел да се самоубие
-
ДСЗИ изврши надзор на Токсикологија, склучените договори за работа се со потпис на еден директор
-
ДИК: Излезноста до 13 часот е 25,48 проценти, поголема во однос на 8 мај
-
Умерен земјотрес во Романија
-
Говор на омрза врз срцето со македонско знаме и букви на натписот Гостивар