Белата куќа е загрижена поради ситуацијата на границата меѓу Полска и Белорусија
Американскиот претседател Џозеф Бајден изрази голема загриженост поради мигрантската криза на границата меѓу Полска и Белорусија.
– Изразивме загриженост до Русија и Белорусија, рече Бајден доцна синоќа пред да замине на викендот што го поминува во претседателската резиденција во Кемп Дејвид.
Западните земји го обвинуваат белорускиот претседател Александар Лукашенко дека го организира пристигнувањето на мигрантите на границата со Полска, членка на Европската унија (ЕУ), како одговор на санкциите на ЕУ воведени против Белорусија поради репресија на опозициските демонстранти.
Потпретседателката на САД, Камала Харис, која е во посета на Франција, вчера рече дека активностите на Белорусија се „многу загрижувачки“.
САД редовно го критикуваат режимот на Лукашенко и се меѓу земјите кои воведоа санкции против Белорусија.
На крајот на јули Бајден ја прими белоруската опозиционерка во егзил, Светлана Тихановскаја.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје