Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
Советникот за национална безбедност на Белата куќа, контраадмирал Џон Кирби, денеска изјави дека САД испратиле писмено предупредување на руските безбедносни служби за напад извршен од екстремисти и дека тврдењата дека Украина била вмешана во нападот минатиот петок во Москва се „бесмислици“.
Кирби, кој е помошник државен секретар за одбрана, повтори дека е јасно дека терористичката „Исламска држава“ е „единствено одговорна“ за нападот во концертната сала „Крокус сити хол“, каде во петокот загинаа 140 лица.
Кирби им рече на новинарите дека САД им дале на руските безбедносни служби писмено предупредување за екстремистички напад, едно од многуте испратени во Москва однапред.
Истражниот комитет на Русија денеска соопшти дека е уапсено уште едно лице осомничено дека учествувало во финансирањето на нападот во Москва, што укажува дека напаѓачите имале „врски со украински националисти“.
„Работата со уапсените терористи, испитувањето на техничките уреди одземени од нив и анализата на информациите за финансиските трансакции овозможија да се најдат докази за нивната поврзаност со украинските националисти“, соопшти Истражниот комитет на Русија.
Ново на Сител
-
Поставен штанд на партија во Шуто Оризари, расфрлани летоци во Чаир, агитирање...
-
ОДИХР со над 300 набљудувачи на гласачките места низ земјава, заклучоците ќе ги соопшти утре
-
До 11 часот во Прилеп гласале 18,09 за претседателските, 18,19 за парламентарни
-
Излезност до 11 часот во Тетово, 7,04 отсто за претседателски, за парламентарни 10,81
-
Кавадарци со 16,10 отсто излезност до 11 часот
-
Прегазена жена на регионалниот пат Струмица - Валандово
-
Излезноста до 11 часот за претседателски избори е 12,87% , за парламентарни 13,69
-
На ГП Ќафасан спречен шверц на 53,3 килограми марихуана, чија крајна дестинација била Македонија