Бела куќа: Коридорот за борци на границата меѓу Турција и Сирија се уште не е затворен
Коридорот долг речиси сто километри на турско-сириската граница, преку кој минува шверцувана нафта и борци, се уште не е затворен, изјави портпаролот на Белата куќа Џорџ Ернест, јави ТАСС.
Тој дел со должина од 98 километри продолжува да биде незаштитен, рече Ернест, коментирајќи го повикот на претседателот на САД Барак Обама турско-сириската граница да биде „запечатена“.
Запрашан дали Белата куќа смета оти таа задача воопшто може да се оствари, тој потврдно одговори. - Тоа, се разбира може да биде направено. За тоа ќе биде неопходна соодветна одлучност од страна на Турците, додаде портпаролот.
Претходно, САД, според него, имале можност во практика да се убедат дека Турција е во состојба да држи под контрола значителни делови од својата граница со Сирија, со должина од околу 900 километри.
- Во целина, ние би сакале Турција повеќе да прави за заштита на границата, рече Ернест.
Според него, незаштитениот коридор долг 98 километри претставува проблем, бидејќи преку него минува нафта за црниот пазар и преминуваат странски борци. Таму се уште се одвива трговија и со други стоки, додаде портпаролот.
- Лишувањето на Исламска држава од пристап до финансирање е важен составен дел од нашите напори, насочени кон слабеење и на крај пораз на групата, додаде Ернест.
Ново на Сител
-
Претседателката Сиљановска Давкова го прими косовскиот амбасадор, Флоријан Ќехаја
-
Од домашно производство е 91.5 % од потрошената струја во април
-
Муцунски: Во сложениот геополитички контекст во Европа мораме да бидеме одговорна членка на НАТО
-
До петок нестабилно време со пороен дожд, грмежи и ветер над 60 километри на час
-
Мицкоски: Најголемиот парк на ветерници во регионот ќе отвори 630 работни места
-
Пронајдени 10 артилериски гранати во старата касарна во Битола
-
Разрешена Бесија Иљази, економската директорка на Клиниката за Токсикологија
-
Се урна рингишпил во Добој, четири деца повредени