Бела куќа: Кибер-нападите ги чинеа САД меѓу 57 милијарди и 109 милијарди долари
Кибер-нападите предизвикаа загуба на САД во износ меѓу 57 и 109 милијарди долари во 2016 година, се наведува во соопштение од Белата куќа.
Во Извештајот на претседателските економски советници се вели дека големите кибернапади предизвикуваат голема загриженост за инфраструктурата, како што се мрежите за електрична енергија, комуникациските системи или браните.
Постои и загриженост и во врска со кибер-нападите што доведуваат до истекување на податоци, кражба на интелектуална сопственост, доверливи стратешки информации или финансиски информации.
Во документот се наведува дека ако една компанија поседува голем дел од инфраструктурата, сајбер-напаѓачот може да предизвика голема турбуленција во целата економија. Се изразува загриженост и од ризикот од кибер напади во енергетската и финансиската област - сектори, кои се зависни и поврзани со други сектори и со интернет, а во случај на катастрофален кибер напад против нив, може да има големо влијание врз целата економија.
Русија, Кина, Иран и Северна Кореја се наведени како виновници за кибер-напади. Ризикот од кибер-напади доаѓа и од хактивисти, организирани групи, криминални групи и конкурентски компании.
Извештајот бара компаниите да споделуваат информации за неодамнешните сајбер-напади меѓу себе.
Извештајот беше објавен откако Белата куќа и се закани на Русија со „меѓународни последици" за извршување на сајбер нападите НотПетја (NotPetya).. Овој кибер напад изведен во во јуни 2017 година, според Вашингтон, е дело на руски војници и нанесе штета од милијарди долари во Европа, Азија и Америка.
Ново на Сител
-
Маж се фрли од зграда во Аеродром | ФОТО
-
Палевски побара изземање на обвинителката Крстевска и целото ОЈО, судењето одложено за 3 февруари
-
Приведен криминалец кој бил осуден на затворска казна од 11 години
-
Челси го комплетираше најскапиот трансфер во женскиот фудбал
-
Евертон заинтересиран за Артур Мело
-
Бруклин го повлече дресот со број 15 во чест на Винс Картер
-
Анчелоти: Првенството е предолго за да се мисли дека се е готово
-
Консеисао нема проблеми по инцидентот во Калабрија: Не сме во црква, ова е фудбал!