Бектеши на состанок на светската туристичка организација во Кина
Македонска делегација предводена од министерот за економија Крешник Бектеши учествува на 22. седница на Генералното собрание на Светската туристичка организација (UNWTO)што се одржува во градот Ченгду, Кина, а на која министрите повеќе земји од светот надлежни за туризмот разговараат за развојот на светскиот туризам, новите трендови, подобрувањето на туристичките услуги и одржливиот туризам, соопшти Министерството за економија.
Министерот Бектеши ја претставил стратегијата за туризам на нашата земја, а имал и средба со генералниот секретар на UNWTO, Талеб Рифаи.
- За време на состанокот министерот Бектеши обезбеди поддршка за Македонија на која се согласија и за проекти во областа на туризмот кои ќе се реализираат во соработка меѓу Министерството за економија како одговорна за туризам во Македонија и Светската туристичка организација со седиште во Мадрид, се вели во соопштението.
Меѓу проектите што Бектеши и Рифаи се согласиле да ги реализираат се и поддршката на експерти за измени на законите за туризам и угостителство, прописите за категоризација на угостителските објекти, поддршката за имплементација на системот за одзив на туристи ТСА (tourist satellite account), обуки за вработените во секторот туризам во седиштето на UNWTO во Мадрид, за 2 лица до 6 месеци во континуитет, како и обука на студентите кои се запишани на универзитет за туризам.
Министерот за економија, како што се наведува во соопштението, му се заблагодарил на генералниот секретар Рифаи за безрезервната поддршка за Македонија и најавил успешна соработка во иднина.
Бетекши ќе присуствува и на гласањето на Извршниот одбор на UNWTO, каде што ќе биде избран новиот генерален секретар за следниот мандат.
Ново на Сител
-
Маж се соблекувал пред малолетници
-
Почина актерката Радмила Живковиќ, нам позната како луда Дока
-
Укината целосната забрана за движење во шума
-
Апелација ја укина пресудата и го врати на повторно судење предметот против Мухамед Зеќири за злоупотреба на службена положба
-
Перински: 80 општини поднесоа 358 предлог проекти, фазата на евалуација ќе трае од седум до десет дена
-
Македонија ќе се снабдува со гас од Грција од 1 октомври
-
Минчев најавува законско решение наместо балансерот
-
Туфегчиќ: Јас бранам потполно невин човек