Бактерија МРСА откриена кај воспитувач и дете во градинка во Кисела Вода
Бактерија МРСА е откриена кај воспитувач и дете од градинката „Весели цветови“, клон Кокиче во општина Кисела Вода, но нема потреба од паника, изјави денеска за МИА д-р Билјана Даниловска од Центарот за јавно здравје Скопје.
– Тоа е бактерија што не е патогена за лица и деца со нормален имунитет. Станува збор за вид бактерија која се јавува во заедницата, а не хоспитална бактерија што е опасна за новороденчиња и за лица што лежат во болници со намален имунитет итн. Учителката е на една страна, детето е во друга група и нема никаков проблем, рече д-р Даниловска.
Таа посочи дека во градинката има високо ниво на хигиена и дека правеле и сега направиле комплетна дезинфекција.
– Се прави дезинфекција на играчки, садови за јадење, а често се прави и проветрување. Од наша страна нема потреба ништо посебно да се преземе освен што тие си побараа редовна дезинфекција. Постојано има такви видови МРСА кои се јавуваат секојдневно кај луѓе. Не живееме во стерилни услови. Немаат симптоми случаите со МРСА и може некоја локална терапија да им се даде. Не е опасна за тие кај кои се појавила, ниту за другите. Има ситуации кога таа бактерија не мора ни да се лекува, додаде д-р Даниловска.
Ново на Сител
-
Почнува судењето на францускиот хирург обвинет за силување на стотици деца под анестезија
-
Четврти ден се трага по Миле Тодоров од Неготино
-
Намален бројот на работници во индустријата
-
Историски максимум на цената на кафето арабика на берзите
-
МОН: Јаневска на самит во Будимпешта, ќе се продлабочува соработката помеѓу Западен Балкан и Унгарија
-
Георгиев: Годинава нема заедничко чествување на Гоце Делчев
-
Околу 600 вработени во централата на УСАИД во Вашингтон добија забрана за влез во Агенцијата откако Маск најави нејзино затворање
-
Во средните училишта се спроведува проект за популаризација на воената професија