Бајден: Јасно му ставив до знаење на Израел дека окупацијата на Газа би била грешка
Американскиот претседател Џо Бајден изјави дека јасно му кажал на израелскиот премиер Бенјамин Нетанјаху дека решението со две држави е единствениот начин да се стави крај на израелско-палестинскиот конфликт и дека окупацијата на Газа би била „голема грешка“.
Бајден изјави дека прави се што може за да ги ослободи заложниците кои ги зеде милитантната група Хамас во Газа, но тоа не значи испраќање на американската војска. Бајден рече дека работи напорно на ова прашање и нема да запре додека заложниците не бидат ослободени.
Катар, каде Хамас има политичко претставување, посредува меѓу палестинската исламистичка група и израелските власти за ослободување на повеќе од 240 заложници.
Претседателот Бајден истакна дека Израел влезе во најголемата болница во Газа, Ал Шифа, со ограничен број вооружени војници и не ја подложи на масовно бомбардирање.
„Им беше кажано… разговаравме за потребата да бидат крајно внимателни“, рече Бајден, додавајќи дека Израел има обврска да биде што е можно повнимателен во таргетирањето цели.
Бајден, сепак, рече дека е нереално да се очекува Израел да ги прекине своите воени акции, со оглед на заканите од високи претставници на Хамас дека ќе изврши нов напад врз Израел.
Ново на Сител
-
Ватикан: Исходот од преговорите во Истанбул е трагичен
-
Почина Камерунецот Кунде
-
ФФМ го поништи натпреварот Кожув – Башкими, дисциплинска постапка против двата клубови
-
Москва „генерално задоволна“ од преговорите во Истанбул, договорена размена на илјада воени затвореници
-
Вучиќ: Во Тирана разговарано за инфраструктурните проекти, изградбата на гасовод меѓу Србија и Северна Македонија
-
Крадел на градилиште и откако чуварот го затекнал, го претепал и се заканил дека ќе го убие
-
Мицкоски: Историски ден за Македонија
-
21-годишник од Скопје поседувал средства за фалсификување и неовластено влегувал во компјутерски системи | ФОТО