Азербејџан и Ерменија разменија тела на 200 убиени во Нагорно Карабах
Азербејџан и Ерменија денеска разменија тела на 200 загинати кои се бореа во регионот Нагорно-Карабах, соопштија денеска руските државни медиуми, повикувајќи се на Црвениот крст.
Телата беа разменети во присуство на руските мировници, изјави шефот на Меѓународниот комитет на Црвениот крст, Питер Маурер.
Портпаролот на Црвениот крст, одговорен за конфликтот во Нагорно-Карабах, не го потврди бројот на разменети тела, но рече дека процесот почнал уште минатата недела.
Повеќе од 1.000 лица се убиени во шестнеделниот конфликт меѓу Азербејџан и соседна Ерменија за регионот Нагорно-Карабах. Територијата која веќе 25 години беше контролирана од Ерменците, Обединетите нации ја сметаат за дел од Азербејџан.
Со последната воена офанзива, што почна на 27 септември, Азербејџан оствари значителни територијални придобивки, а како дел од мировниот договор постигнат минатата недела меѓу двете земји и руската страна, Ерменија му отстапи делови од овој регион на Азербејџан.
Азербејџанскиот претседател Илхам Алиев и неговата сопруга и прв потпретседател Мехрибан Алиева, вчера беа во обиколка на деловите од Нагорно Карабах, јавија азербејџанските државни медиуми.
Во меѓувреме, турскиот претседател Реџеп Тајип Ердоган, инаку близок сојузник на Азербејџан, вчера до турскиот Парламент испрати предлог за испраќање турски трупи во Азербејџан за следење на прекинот на огнот во Нагорно-Карабах, јави турската државна агенција Анадолија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп