Автомобил удрил во полициско возило на автопатот Куманово - Табановце

Сообраќајна незгода се случи вечерва на автопатот Куманово – Табановце кога автомобил марка „Шкода" удрил во службено полициско возило.

Поради сообраќајната незгода од 21 часот беше во прекин сообраќајот на патниот правец од Куманово, кај бензинската станица пумпа „Макпетрол“, до Граничниот премин „Табановце“, соопштија од АМСМ.

СВР Куманово потврди дека во 20:50 часот добило пријава дека на автопатот Куманово -Табановце се случила сообраќајна незгода во која патничко моторно возило „Шкода“, удрило во службено возило на МВР.