Австриските власти откриле група која во Европа нелегално внела десет илјади мигранти
Австриските власти откриле турска криминална група, која незаконски внела околу десет илјади мигранти во Западна Европа изминатите десет години, соопшти австриското Министерство за внатрешни работи, јави ДПА.
Групата заработила околу 15 милиони евра од транспоротот на Сиријци, Ирачани, Иранци, Авганистанци и Пакистанци.
Австрискиот министер за внатрешни работи Волфганг Соботка изјави дека такви криминални активности носат висока заработувача, која е многу поголема од таа остварувана преку трговија со дрога.
Уапсени се десет членови на криминалната група, а против некои од нив веќе се водат судски процеси. По тројца Турци, за кои постои сомневање дека се лидери на групата, се уште се трага.
Шверцерите на луѓе користеле три маршрути. По првата мигрантите се движеле со воздушен транспорт од Истанбул до Црна Гора, од каде биле превезувани со автомобил преку Балканот до Виена. По втората мигрантире патувале по море од Турција до Грција, а оттаму по копно се упатувале до Западна Европа. По третата мигрантите биле транспортирани по воздух од Истанбул до Лвов во Украина и потоа биле пренесувани до Виена.
Освен Австрија, меѓу крајните дестинации на мигрантите биле и Германија, Италија, Швајцарија, Франција и Шведска.
Ново на Сител
-
Андоновска: Четворица вработени од Зоолошката градина ќе бидат ставени под здравствен надзор, а еден од нив утре ќе биде тестиран за птичји грип
-
Утре нова промена на цените на горивата
-
За неколку минути од Либан лансирани приближно 70 проектили кон Израел
-
Третпат снема струја на Куба
-
АХВ: ЗОО Скопје иако детектирало угинато животно, не постапила по законски процедури
-
Тешка сообраќајна несреќа во Охрид: Младо момче тешко повредено
-
На ГП Деве Баир лишен од слобода турски државјанин, покажал две фалсификувани зелени карти
-
Прекинато водоснабдување во делови на Центар