Австрискиот министер за здравство: Владата сака да спречи ново затворање на економијата
Австрискиот министер за здравство Рудолф Аншобер истакнува дека Владата сака да спречи ново затворање на економијата и општеството со сите свои сили и дека таквата мерка може да се случи само доколку контролата над ситуацијата целосно се изгуби.
Аншобер за виенскиот дневен весник „Естерајх“ изјави дека Австрија сега се соочува со пресврт – стабилизација и постепено подобрување во најдобар случај или 2.500 случаи на инфекција на ден во најлош случај.
На прашањето дали тоа најлошо сценарио ќе значи ново затворање, Аншобер рече дека дури и со тие бројки, тоа нема да се стори.
„Ново затворање може да следи само ако целосно ја изгубиме контролата, ако се урне нашиот здравствен систем, а тоа е она што е предвидено со Законот за Ковид. Се уште сме далеку од тоа”, изјави Аншобер.
Говорјќи за моменталната состојба, тој рече дека зголемувањето на бројот на новоинфицирани на 7 и 8 септември е многу загрижувачко, и дека сега растот е успешно запрен, а бројот е стабилизиран, иако се уште е на високо ниво.
Аншобер додаде дека причините за тој раст се повратниците од одмори, но и забавите по регионалните спортски настани и непочитувањето на работното време во угостителските објекти, како и приватните забави.
Според него, врз основа на воведените мерки, бројот на заразени значително ќе се намали во првата половина на октомври.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата