Австралиска подморница пронајдена по 103 години
Остатоци од австралиска подморница се пронајдени по потрагата која траеше 103 години.
Станува збор за првата австрaлиска подморница „ХМАС АЕ-1", која исчезнала за време на Првата светска војна во водите на Папуа Нова Гвинеја.
Подморницата исчезнала на 14 септември 1914 со 35 членови на екипажот, Австралијци и Британци.
Таа е пронајдена е во текот на 13-тата мисија во водите во близина на островот Војводата од Јорк во Папуа Нова Гвинеја.
Австралиската Влада соопшти дека со ова откритие решена е една од најстарите поморски мистерии во земјата.
- Ова е едно од најважните откритија во историјата на австралиската Морнарица. Исчезнувањето на оваа подморница беше првата загуба на Кралската морнарица на Австралија и прва таква загуба на страната на сојузниците за време на војната. Голема трагедија и за нас и за нашите сојузници, рече министерот за одбрана Марис Пејн.
За време на потрагата бил користен подводен дрон, кој нуркал на длабочина од околу 40 метри. Подморницата била пронајдена на 300 метри под површината на океанот.
Точната локација на подморницата не е откриена заради нејзина заштита, но судејќи според се, се чини дека се уште е во „едно парче", наведува Би-Би-Си.
Не се планира таа да биде префрлена во Австралија, но ќе почне да се работи на утврдување на причината за несреќата.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата