Австралија предупреди на појавата на малициозни веб-страници по глобалниот пад на ИТ
Австралиската кибер-разузнавачка агенција денеска соопшти дека се појавиле малициозни интернет адреси кои тврдат дека опоравуваат од вчерашниот глобален пад на ИТ што погоди медиуми, банки и авиокомпании.
На својата веб-страница, Австралиската радиотехничка разузнавачка служба – кибер-разузнавачка агенција на земјата – објави дека „ги повикува сите корисници да добијат технички информации и ажурирања на системот само од официјални извори на „Crowd Strike“.
Министерката за кибер безбедност, Клер О’Нил на „Х“ напиша дека Австралијците „треба да бидат свесни за потенцијалните измами и обиди за пристап до лични податоци“.
Вчерашниот пад ја погоди Комонвелт банката на Австралија, најголемата банка во земјата, која рече дека некои клиенти не биле во можност да вршат трансфер на пари.
Националната авиокомпанија Квантас и аеродромот во Сиднеј соопштија дека има доцнење на летовите.
Премиерот Ентони Албанезе синоќа изјави дека падот не влијаел на критичната инфраструктура, јавните служби или телефонските броеви за итни случаи.
Ново на Сител
-
Реакција Град Скопје на изјава на министерот за локална самоуправа Перински
-
Хуан Мата ќе игра во Австралија
-
Вкупно 18 пожари на отворено до 19 часот, девет активни
-
Министерот Муцунски ги прими копиите од акредитивните писма на новиот амбасадор на Бугарија, Радуков
-
Перински: Не е предизборен поткуп, повикот за финансирање проекти на општините
-
Запрени работите на автопатот Скопје-Куманово кај Хиподром по вонреден инспекциски надзор на барање на Обвинителството
-
Анадолија: Висок американски претставник тврди дека се договорени 90 отсто од договорот за прекин на огнот во Газа и заложниците
-
Во три случаи на три грчки острови спасени над 170 бегалци и мигранти