АВМУ: Вестите за ДИК најзастапени пред почетокот на изборната кампања
Завршните организациски работи што ги спроведе Државната изборна комисија пред почетокот на изборната кампања биле најзастапени во новинарските вести и извештаи во периодот од 16-ти до 24 септември, покажуваат наодите од мониторингот на медиумско известување што го спроведе Агенцијата за аудио и аудиовизуелни медиумски услуги (АВМУ).
Од Агенцијата попладнево соопштија дека во овој период МРТ 1 не ја следеле одредбата од своите правила за медиумско покривање на локалните избори, според кои во вестите до почетокот на изборната кампања ќе обезбеди избалансираност во известувањето за активностите на политичките партии од власта и од опозицијата што се претставени во Собранието на Република Македонија.
ТВ Нова и ТВ Алфа, иако во помал обем, останале фокусирани на информациите за активностите на најголемата опозициска партија, а Радио Слободна Македонија ја репризирала емисијата „Земјо македонска“ која, како што наведуваат од Агенцијата, изобилува со вулгарен и непристоен речник, односно е во спротивност со професионалното начело за негување и развој на хуманите и моралните вредности на човекот и за заштита на приватноста и достоинството на личноста.
Во соопшттението се наведува дека во овој период извештаите за учеството на Генералното собрание на Обединетите нации и извештаите за отчетите на одделни министерства ја ставиле македонската Влада меѓу најзастапените субјекти во централните изданија на радио и телевизиските дневници, а од другите политички теми се издвоила и парламентарната расправа за Предлог-законот за употреба на јазиците.
Целиот извештај е достапен на веб-страницата на Агенцијата www.avmu.mk.
Ново на Сител
-
ЕУ ја продолжи заштитата на украинските бегалци до 2026 година
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово