Анкетите предвидуваат неуспех на ЦДУ на Меркел на регионалните избори во септември
Партијата на германскиот канцелар Ангела Меркел, Христијандемократската унија, може да претрпи неуспех на регионалните избори во две германски провинции во септември. Истовремено, на изборите ќе се зголеми поддршката за партијата „Алтернатива за Германија“ (АзГ) , покажуваат денеска објавените резултати од анкетите, цитирани од ДПА.
Истражувањето за весникот „Билд“, што е спроведено од Институтот ИНСА, покажува дека социјалдемократите и натаму ќе бидат најголемата партија во провинциите Мекленбург-Предна Померанија и Берлин.
Во истражувањето, меѓутоа, се истакнува и зголемување на поддршката за партијата која се противи на странците во земјата „АзГ“, по драматичното зголемување на бегалците во Германија.
Доколку оваа партија постигне успех на изборите во Мекленбург-Предна Померанија и Берлин, тоа ќе значи дека таа ќе биде претставена во парламентите на десет од 16-те германски провинции, забележува ДПА.
Ново на Сител
-
Повторно отворена подрачната канцеларија на МЗШВ во струмичко
-
Пациентите со механичка поддршка на срцето бараат поголем ангажман од државата
-
Преглед на вести од светот
-
Какви казни има за сквернавење национални симболи?
-
Тема на денот со Методи Хаџијанев, професор по безбедност
-
Дрво падна врз жена во центарот на Скопје, УХМР најавува невреме низ целата држава
-
Македонското знаме повторно се вее на Голем Кораб
-
Дрво падна врз жена во центарот на Скопје, УХМР најавува невреме низ целата држава