Анкета: Растојанието помеѓу ГЕРБ и Продолжуваме со промената зголемено на девет отсто
Анкета на истражувачкиот центар „Тренд“ пред предвремените парламентарни избори во Бугарија покажува дека во 48. Народно собрание се очекува влез на шест партии и коалиции, а уште две се многу блиску до бариерата од четири отсто.
Како што јави дописникот на МИА од Софија, се зголемува растојанието помеѓу ГЕРБ-СДС и „Продолжуваме со промената“.
Според анкетата, ГЕРБ-СДС би добила 25,7 отсто од гласачите, а „Продолжуваме со промената“ 16,4 отсто. Истражувањето покажува изненадување што на трето место е „Преродба“ со 13,9 отсто, зад неа е „Движењето за права и слободи“ со 11,9 отсто, Бугарската социјалистичка партија со 8,7 отсто и „Демократска Бугарија“ со 7,6 отсто.
Малку над влезната бариера се „Има таков народ“ на Слави Трифонов 4,4 отсто и „Бугарски подем“ на поранешниот вршител на должноста премиер Стефан Јанев 4,2 отсто. Под прагот за влез во новото Народно собрание се „Исправи се Бугарија“ на поранешната народна правобранителка Маја Манолова – два отсто, а ВМРО-БНД 1,1 отсто.
Анкетата на „Тренд“ е спроведена од 21 до 27 септември меѓу 1.001 полнолетен граѓанин во Бугарија и е нарачана од весникот „24 Часа“.
Ново на Сител
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат