Анкета: Мнозинството Грци песимисти за 2024 година
Песимизам изразуваат 56 отсто од анкетираните Грци во однос на тоа дали 2024 година ќе биде подобра од претходната, согласно резултатите од истражувањето на јавното мислење спроведено од агенцијата „Алко“ за телевизијата „Алфа“, јави дописничката на МИА од Атина.
Од економски аспект, шест од десет испитаници сметаат дека оваа година ќе биде „полоша“ или „еднакво лоша“ како и 2023 година за финансиската состојба во нивното семејство, а за 42 отсто најголем страв им предизвикува неможноста да врзат крај со крај.
За намерата на Владата да достави закон за истополовите бракови, поделено е мислењето на граѓаните, иако преовладува негативниот став, односно 49 отсто не се согласуваат, а 35 проценти изразуваат поддршка.
Во однос на распоредот на политичките сили во земјата и за тоа анкетираните за кого би гласале на европските избори што ќе се одржат во јуни, Нова демократија добива 30,3 отсто, ПАСОК е на втората позиција со 12,2 проценти, СИРИЗА е трета со 11,8 отсто, а потоа следат Комунистичката партија и Грчко решение.
Истражувањето на јавното мислење на „Алко“ за телевизијата „Алфа“, што е прво за оваа година во Грција, било спроведено од 2 до 5 јануари со анкетирани 1. 002 лица.
Ново на Сител
-
СДСМ избира нов лидер на партијата
-
Македонците во Албанија не ги признаваат резултатите од пописот, МНР ќе го повика амбасадорот Марковски на консултации
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори
-
Сообраќајот се одвива непречено, по суви коловози, золемен интензитетот надвор од градските средини
-
Сончево и многу топло време со температури до 38 степени