Анкета: Камала Харис со мала предност во Висконсин и Мичиген, изедначена со Трамп во Пенсилванија
Потпретседателката на САД и демократска кандидатка на претседателските избори, Камала Харис, има мала предност пред републиканскиот противкандидат Доналд Трамп во Мичиген и Висконсин, додека двајцата кандидати се изедначени во Пенсилванија, покажува новата анкета на Си-Ен-Ен, објавена синоќа.
Помалку од една недела пред изборите на 5 ноември, демократката Харис води со 48 наспроти 43 проценти меѓу веројатните гласачи во Мичиген и со 51 наспроти 45 проценти во Висконсин – две од трите неопределени држави кои го добија прекарот „плав ѕид“ поради нивната клучна улога во победата на претседателот Џо Бајден над Трамп во 2020 година.
Во третата држава од „плавиот ѕид“, Пенсилванија, анкетата на Си-Ен-Е покажа дека Харис и Трамп се изедначени со 48 проценти.
Со деветнаесет електорски гласови, Пенсилванија е една од најпосакуваните награди во борбата за Белата куќа.
Интервјуата се спроведени од 23 до 28 октомври преку интернет и телефон со 726 веројатни гласачи во Мичиген, 819 во Пенсилванија и 736 во Висконсин, објави Си-Ен-Ен.
Маргината на грешка изнесува плус или минус 5 процентни поени.
Ново на Сител
-
Одбележување на Св. Сава – Националниот празник на српската заедница во Македонија
-
Мицкоски ќе изврши увид на градежни активности на патот Катланово – Градманци во Општина Петровец
-
Без струја Мирковци и дел од Аеродром
-
Трамп вели дека е подготвен да се сретне со Путин „веднаш“ за да се стави крај на војната во Украина
-
Во Србија денеска генерален штрајк на кој повикаа студентите
-
Европската Унија од безбедносни причини ја промени локацијата на состанокот посветен на одбраната
-
Сончево со умерена облачност, по котлините магливо и постудено
-
Мицкоски не очекува до локалните избори да има какви било интервенции во Владата